Du som elev eller forelder kan gjera ein forskjell!

I skulemiljøutvalet bør de sikra at elevar og foreldre får auka innverknad på skulekvardagen. Som representant i skulemiljø­utvalet blir det mogleg for deg som forelder å påverka dagen til sonen din eller dottera di. Som elev kan du vera med på å skapa din eigen kvardag. Utan tilbakemeldingar frå deg som er elev, er det vanskeleg for rektor og dei tilsette å gjera skulen best mogleg.

Du som forelder har rett til å bli

• informert om rolla og oppgåvene til sulemiljøutvalet, slik at det blir mogleg for deg å påverka skulekvardagen til barnet ditt
• få informasjon om alle tilhøva som har mykje å seia for skulemiljøet, som alvorlege valdsepisodar, dårlege sosiale tilhøve eller luftkvaliteten i klasserommet
• uttala deg, koma med forslag og stemma i saker som gjeld skulemiljøet
• delta i planlegginga og gjennomføringa av det systematiske arbeidet med helse, miljø og tryggleik ved skulen

Du som elev får rett til å

• få informasjon, uttala deg, koma med forslag og stemma i saker om skulemiljøet
• vera med når skulen lagar planar for helse, miljø og tryggleik på skulen
• seia kva du meiner om det som kan gje eit godt miljø på skulen din
• få vita kva skulemiljøutvalet er, og kva det gjer, slik at du kan medverka til at elevane får ein så god skulekvardag som mogleg
• vera med på møta med skuleleiinga, der di stemme skal bli høyrd